السلام عليكم ورحمة الله وبركاته
اخواني واخواتي الكرام اعضاء المنتدى,صراحة هذي القصة انا قريتها في منتدى وحبيت انكم تقروها لانها صراحة مؤثرة وما ادري اذا كنتوا سمعتوها من قبل,المهم مارح اطول عليكم ,
كان في شاب عمره 23 سنة وكان هذا الشاب جميل المنظر وخليق , وكان عايش مع اهله فبعدين جاته وظيفة في منطقة ثانية وقبل بالوظيفة وسافر ,وكانت الوظيفة اللي يشتغل فيها او المكتب اللي يشتغل فيه اكثر زباينه الحريم,المهم هذا الشاب ماكان يعرف شي اسم حب ومغازلة وهذي السوالف ,في يوم من الايام كان هذا الشاب قاعد في مكتبه فدخلوا عليه كم من حرمة وكان معاهم شابة هذي الشابة لما شافت الشاب اعجبت فيه وطبعاً مثل ما قلتلكم هذا الشاب ماكان يعرف شي اسمه مغازلة.
المهم البنت طلعت من هنا وتركت قلبها عند الشاب,ثاني يوم البنت راحت دقت على المكتب اللي يشتغل فيه الشاب وكانت عرفه انه رح يرد وصار اللي في بالها ورد الشاب على التليفون, في البداية كانت مجرد اتصالات بس بعدين البنت ما قدرت تخفي مشاعرها فقالت للشاب انها تحبه فقالها :بس انا ما عرف في الحب شي وبعدين انا ما اعرفك ولا انتي تعرفيني,قالتله الاولى خلها علي رح اعلمك اصول الحب من الالف الى الياء والثانية الوقت قدامنا ونقدر نتعرف على بعض ,المهم صار في إتصال دائم بين البنت والشاب وفي مدة ما هي بطويله تعلم الشاب كلام الحب والرومنسية وتعلق قلبه بهذي البنت اللي علمته كلام القلب والمشاعر.
في يوم من الايام ولمن كان الشاب يكلم البنت قلها انا ابي اشوفك انتي شفتيني وتعرفين عني كل شي انا ابي اشوفك بعد قالتله طيب يوم الخميس احنا طالعين مع ابوي رح اقولك وين ومتى طالعين ورح يكون التليفون بيننا قالها طيب وكان هذا اليوم يوم السبت فالشاب شاف المدة طويله وش يصبره من السبت الى الخميس كان اليوم يمر عليه بسنة وكان يقضي اغلب وقته نايم عشان تعدي الايام .
المهم جا يوم الخميس وكان الشاب صاحي من الصبح مو مصدق انه اليوم خميس دقت عليه البنت وقالت له انهم طالعين اليوم الساعة 8 الليل ورايحين الكورنيش واذا قربوا رح تدق عليه مس كول
وهذا اللي صار طلعت البنت مع اهلها ودقت على الشاب مس كول حرك الشاب سيارته وراح للكورنيش وهو قريب من الكورنيش دق عل البنت مس كول على اساس تقوله وين هي,قاعد الشاب يدق على البنت بس هي ما ترد فقال يمكن عشان اهلها معاها , فقال بحاول بعد عشر دقايق. مرت العشر دقايق دق مس كول ما حد يرد الا شوي وهو في الطريق شاف الشارع مسدود فنزل يشوف وش السالفة لقا سيارة مقلوبة وكل اللي فيها طايحين في الشارع وكان في يمكن اربع ولا ثلاث بنات شابات والابو طايح في جهة وكلهم منثرين في الشارع الا وفي وسط تجمع الناس على الحادث سمع تليفون يرن في ايد وحدة من اللي طايحات من السيارة رح يدور بلا وعي بين اللي طايحين من السيارة على الصوت لقاه في ايد وحدة من البنات ومكتوب المتصل :أمل عمري والرقم رقمه كشف الطرحة من وجهها الا وشاف وحدة ربي ما خلق منها ثنتين احلى من القمر.
الا شوي جات سيارة الاسعاف وجو يشوفون اللي طايحين الا لقوهم كلهم ميتين الا هذي البنت فجو الاسعاف يشلونها ويحطونها في سيارة الاسعاف يمكن ينقذونها , هم حطوها في السيارة من هنا وهي لفظت انفاسها الاخيرة من هنا .الشاب لحظتها اغمى عليه وشلوه المستشفى ,بعد ما صحى من الاغماء تذكر كل اللي صار, وجاته زي الحالة وصار ما يطلع ولا يروح مكان ورد ديرته عند اهله .
بس اطلب من الاخوان اللي يقرون القصة يدعون للبنت بالرحمة وللولد بالشفاء انشاء الله انا قريتها من فترة واتمنى انه يكون الشاب تشافى الحين بس لا ضير من الدعاء.
موضوع: قصه واقعيه حزينه 
الخميس ديسمبر 03, 2009 5:39 am
